Iscriviti ai Feed Aggiungimi su Facebook Seguimi su Twitter Aggiungimi su Google+ Segui il Canale di Youtube Seguimi su Pinterest

Chi xe chi


Siora Bruna e siora Lina xe dò siore, un poco veciete in verità, ma sai in gamba, tipiche triestine doc, che ama Trieste con tuto el cuor e ga ben radicà dentro i valori tipici e el spirito de ste terre. Sior Enio e sior Fedi xe i loro rispetivi omini, anche lori sai veci e ormai in pension de ani, ma coi pìe ben piantai e sai scaltri e vispi, come solo i veci triestini sa esser, anche se ogni tanto qualche colpeto i lo perdi!

Le ciacole tra de lori, coi loro amici, coi loro fioi e nipoti, xe tute inventade, anche se in talune ghe xe un fià de verità, perchè ste ciacole xe scrite per fotografar un bich del visuto dela fantastica, unica e spetacolare cità de Trieste, capitale del Territorio Libero di Trieste, stato indipendente nato de poco, col Trattato di Pace di Parigi del 1947. Stato giovane dunque, ma con ale spale una storia ricca e importante che, tra una ciacola e l'altra, zercheremo de ripercorer insieme.

Chi xe "I Triestiliani"? I Triestiliani xe una famiglia che vivi in ultimo pian de casa de Bruna e Enio. No xe el vero nome, el vero nome no se lo ricorda più nissun, ghe volessi zercar accuratamente, perchè oramai xe ani che tuti li ciama e li conossi cussì, anche se lori no vol. El nome deriva del fato che lori, essendo tuti un poco lole, tanto che xe tuti che li ciapa de mezo, noi ragiona sule robe e cussì anche riguardo al fato de Trieste e l'Italia: co iera el tempo che tuti voleva firmar per ciamar in causa le Nazioni Unite e far nominar sto benedeto governator, lori no i voleva saverghene.. a scola i ghe gaveva imparà che Trieste xe Italia, che la patria xe la patria e bisogna morir per ela, e i ghe credeva a tute le monade che i sentiva per tivù o che i legeva sui giornai, che i politici furbi de turno ghe conzava. In quel periodo che tuta Trieste voleva che ghe torni quel che ghe speta, ossia la sovranità del Territorio Libero di Trieste, lori, unici lole, i combateva contro, e cussì dal misciot dele parole "triestini ma italiani" qualchidun se ga sognà de ciamarli cussì, e de quela volta lori xe "I Triestiliani", ghe i voli o che no i voli! Pò siccome ai tandui ghe toca de tuto, i ga fato presto a diventar famosi e i fa parte dele normali ciacole che la gente se conta per farse dò ridade, un sorta de barzelete che i italiani se conta sui caramba!